اكثر من طريقة لعمل الفراخ المشوية بالصور

المقادير:
فرخة مغسولة ومقطعة 8 قطع



2بصله مبشورة
طماطم مقطعه
فلفل حلقات
بهارات(ملح-فلفل أسود- كارى-زعتر-بهار فراخ - بهارات لحمة)
ثوم مهروس
ليمون حوالى4 ليمونه

زبادى-كاتشب-مايونيز

1-حطى الفراخ فى حلة وعليها 3 فصوص توم مهروسين ونصف ملعقة صغيرة كمون
حطيها على نار هاديه وكل ماتنزل سوايل ارميها لحد ماتنشف خالص
بعد كده أغسليها وحطيها فى مصفة تنزل اللى فيها

2-اخلطى الطماطم والفلفل والبهارات والبصل والتوم والزبادى و2 ملعقه كاتشب و2 ملعقة مايونيز والليمون على بعض وقلبيهم كويس

3-حطى الفرخه فى التتبيلة دى وسبيها فى التلاجة أقل حاجة 3 ساعات ويفضل لو باتت

4-الخطوه دى اختيارى
أنا بجيب بطاطس وأقطعها صوابع بس سميكة شوية
وبدل ماأحمرها وتشرب زيت بحطها فى قاع الصينية وأحط فوقها الفراخ بتستوى معاها وبتشرب من التتبيلة وبيبقى طعمها تحفه

5- حطى الفرخه فى الصينيه وغطيها وحطيها على البوتاجاز على نار هادية لحد ماتستوى

6-ولما تستوى حطيها تحت الشواية لحد ماتتحمر
وقدميها مع مكرونة أو عيش أو أرز

والطبق ده لأول رد

هاتى فرخة وأغسليها كويس وأنقعيها فى خل وبعد كده أشطفيها وقطعيها 8 قطع

وهاتى 3 بصلات كبار مبشورين وتوم مهروش وملح وفلفل وكاتشب ومايونيز وبهار فراخ وسماق

وعصير 5 ليمونات

أخلطى الحاجات دى على بعضها وتبلى بها الفرخة وأحشى مابين الجلد واللحم بالخلطة وسبيها تتبل 3 ساعات

ويفضل لو باتت فى التلاجة بتبقى جميلة جدا لأنها بتتشرب من الخلطة أكتر





قطعى بطاطس وطماطم حلقات وفلفل أخضر حلقات










بعد كده هاتى صينية وحطى فيها بطاطس حلقات أو صوابع زى ماأنتى عايزة على فكرة البطاطس دى اختيارى

لو عايزاها اعمليها مش عايزاها أستغنى عنها

حطى طبقة البطاطس تحت وبعدين الفرخة وعليها الفلفل والطماطم زى كده








حطيها على البوتاجاز وغطيها لغاية لما تستوى بعد كده دخليها تحت الشواية على طول








ملحوظة:ممكن تجيبى فحمة وتولعيها على البوتاجاز وبعدين حطيها فى قشرة بصله وفى الصينيه وطشيها بمعلقةسمنة مقدوحة

منقول

لما بتحبي تعملى فراخ بتسلقها وتحمريها ودى طريقة تقليدية جدا
لكن لو عايزة تبتكرى فى طعمها بتضطرى تتبليها قبلها بساعات عشان تتشرب التتبيلة

لكن الطريقة اللى هقولهالك لذيذة جداااااا وفى نفس الوقت مش بتحتاج لا وقت ولا جهد

بتجيبي الفرخة وتقطعيها على 4
وتغسليها كويس اوى بالدقيق والملح عشان الزفارة بتاعة الفراخ
وتحطيها فى صنية تيفال
وتضيفي عليها ربع كوب ماء
وملح وفلفل بس كترى الفلفل
ولمون اعصري تقريبا 3 لمونات كبار
وشوية مسطردة ولو مش عندك مفيش مشكلة
و 3 فصوص توم
بس كده

بتدعكى الفراخ كويس اوى بالتتبيلة تحطيها على نار هادية جدا وتغطيها
وتتابعيها كل شوية عشان تشوفى الماية نشفت ولا لاء
اول ما تستوى والماية تنشف هتلاقيها بدأت تتحمر
قلبيها على الوش التانى
وتكونى مولعة على فحمة
واول ما تطفى على الفراخ تحطى الفحمة فى الصنية وتحتها قشرة بصل وتحطى على الفحمة نقطتين من اللمون اللى فى الصنية وتغطى بسرعةةةة


ريحة وطعم فوق الوصف بجد ممتاااااازة

منقول